GONEKIN ERO BERO
PODCAST FEMINISTA

2. DENBORALDIA

oihana
UGARTE IRIARTE

XILOGRAFIA
Sormenak duen eraldatzeko gaitasunaz ohartzeko baliogarria izan zaigun elkarrizketa duzue hau. Oihana Ugartek jakintzak partekatu eta konfidantzako espazio feministak sortzen ditu Xilografia teknikaren bueltan. Arte hau nondik datorrren azaltzeaz gainera, elkar konpartitzeko espazioetaz aritu gara.

aintzane rincón díez

ZINEMAGINTZA FRANKISTA IKUSPEGI FEMINISTATIK
Telebista aurrean jasotako irudi eta soinuek guregan zer nolako eragina duten ikertu nahi izan du Aintzane Rinconek. Historia garaikidearen parte dira Frankismo garaiko filmak ere. Garai hartan filmen bidez eraikitako feminitatearen ereduek badute eragina gure egungo gizarte eraldaketan ere.

Hontaz guztiaz mintzatu gara Aintzane Rincon unibertsitate irakaslearekin, lantaldean egindako ikerketa baten arira.

ana san josé amiano

KANTU FEMINISTA
“Kantatzen duen herria ez da inoiz hilko”, dio esaera zaharrak, kantatzeak barneko poz eta penak ateratzeko aukera ematen duela sinisten du Ana Sanjose Amianok eta emakumeei kantuan aritzeko aukera ematen die Kantu feminista tailerretan. Musika eta ahotsa lanabes, elkar iraultzeko espazioa eskaintzen du Emakume Etxeetan, eta elkarrizketa honetan kantatzera gonbidatzeaz gain egiten duen lana ezagutzeko aukera eskaini digu.

OLATZ MERCADER

IÑURRI ELKARTEA
Horren gogorra den minbizi prozesuari aurre egiteko ezinbestekoa den espazioa sortu du Iñurri elkarteak, eta ez daude bakarrik. Elkarzaintza eta elkarjakintzak partekatzeko espazioa sortu dute, eta merezi du ezagutzea beraien jarduna, asko diegu eta eskertzeko.
Gauzak mimoz, jakintzatik eta taldean egitearen indarra ezagutzeko podkasta da honakoa.

the iIIngles

MUSIKA TALDEA
Bidasoaldeak musika talde andana erditu ditu azken hamarkadetan, gizon taldeak etortzen zaizkigu boteprontoan burura gehiengoei, horrela izan delako. Musika eta oholtza gizonak okupatu izanak ez ditu The Iiingles taldeko kideak kikildu eta umore onez, lkarzaintza eta ekintzaz mintzatu gara beraiekin.
Errefenteak direla jakin gabe hitz egiten digute, baina neska gazteek badute gure eskualdean nora begiratu. Irribarrez eta kritiko aritu dira bertsioak egiten duten talde hau.

1. DENBORALDIA

oihana
etxebarrieta legrand

Feminismoa politikagintzan nola uztartu eta jada dauden lan moldeetan eragin beharraz hitz egin dugu berarekin. Politikagintzan lan egitearen gazi gozoez mintzatu zaigu eta zubiak eraikitzearen beharrak eta moduak azaldu dizkigu EHBilduko parlamentariak.

haizea
barcenilla GARCIA

Haizea EHU-ko irakaslea da, Arte Historian doktore eta kominsarioa. Arte Historia eta Historia elkar elikatu eta gure nortasunaren eraikuntzan nola eragin ahal duen azaldu digu. Baita arte garaikidearen eta artea beraren interpretazioa. Emakume artisten izena eta izana ezagutzeko gogoz geratu gara elkarrizketa eta gero.

IBAI
FRESNEDO MORENO

Pedagogia feministen beharraz eta erronken inguruan aritu gara Ibairekin. Kurrikulumetan hitz potoloen erabilpenaren inguruan hausnartu dugu eta beharrezko lanketen inguruko gakoak eman dizkigu.

ane
lindane

Umorearen beharra eta potentziaz mintzatu gara. Deserotasunak gure ideologian lagungarria izan daitekeenaz eta dramatismoa eta indarkeriaren erabilpenaz hausnartu dugu baita.

macarena
arrieta MANTEROLA

Umrwa erakundeko kidea den Macarenarekin Palestinako egoeraz mintzatu gara. Gertatzen dena zabaltzearen beharraz eta pedagogia egitearen garrantziaz. Begirada zabaldu eta bertako aniztasuna ikustera gonbidatzen gaitu aktibismoaren molde ezbedinak plazaratu dizkigularik.

PALMIRA
DUAL JIMENEZ

Kera emakume ijito elkartean garatzen du bere jarduna. Emakume, euskalduna eta ijitoa izateari buruz hitz egin dugu saioan. Historikoki jasandako zapalkuntzak gaur egungo begiradak baldintzatzeaz gain aniztasunaren erabilpenari buruz ere mintzatu gara.